Ég var nú bara að frétta af þessu þannig að fyrir þá sem að þykja að ég sé svolítið á eftir, bara sorrí. Þetta er vinningshafinn úr Britain Got Talent. Ótrúlegur alveg hreint, og þá hvað hann er lítill í sér.
http://www.youtube.com/watch?v=1k08yxu57NA&feature=related
Copy-ið bara linkinn og pastið hann inn hjá ykkur. Ekki nógu klár á þetta öðruvísi, þannig að ef einhver hjálpar mér í því þá get ég haft þetta perfekt næst.
Enjoy,
Einar
Jæja, Trúi ekki að það sé kominn desember. Veit ekki alveg hvað við gerum um jólin. Ætli við eldum ekki bara eitthvað gott og höfum það gott um kvöldið. Það er nokkuð leiðinlegt hvað þeir ameríkanar halda ekki jólin hátíðleg, þetta er einn dagur og svo allt búið. Þess vegna um leið og ég get, verða jólin haldin hátíðleg heima á Íslandi.
En heyrumst betur seinna.
“Áramótaskaup Sjónvarpsins er líklega mest áhorfða sjónvarpsefni í heimi. Við höfum kannað áhorfið síðustu fimm ár og séð að á bilinu 91-95% Íslendinga sjá skaupið,” segir útvarpsstjórinn.
Við skulum bara vona að þetta sé villa og að hann hafi sagt á Íslandi því enginn getur verið svona vitlaus að koma með þessa fullyrðingu.
Jæja,
Þá er þakkargjörðarhátíðin á morgun og ætla ég að halda hana hátíðlega eins og sönnum feik ameríkana sæmir. Við munum fá fjölskyldu Lilu í heimsókn þar sem að við erum að elda matinn og svo kemur Mikey félagi minn úr frjálsunum líka þar sem að hann er fastur í Dallas og kemst ekki til familíunnar. Þannig að við ætlum bara að horfa á Ruðning og drekka öl og éta eins og við getum. Ef að þetta verður eitthvað eins og í fyrra, þá munum við hafa mat fram undir jól af þessum kalkún.
Annars er allt við það sama af mér. Ekki enn kominn í nýja vinnu en búinn að fara í nokkur viðtöl. Bara tímaspursmál hvenær það gengur upp.
En annars, happy Thanksgiving allir,
Einar
Ég er bara ekki sú týpa sem að skrifar inn reglulega, en ef að ég geri það einstöku sinnum, þá er það betra en ekkert.
Ég hugsa að flestir þeir sem að lesi þetta blogg viti svona nokkurn veginn hvað er í gangi hjá mér, en ef að það eru einhverjir sem að detta hér inn og vita ekkert, þá er um að gera að halda þessu við.
Í augnablikinu er ég að leyta mér að nýrri vinnu þar sem að það var kominn tími til að prófa eitthvað nýtt. Fasteignamarkaðurinn er algjörlega í skít hér og þið sem að lesið blöðin, þá er þetta miklu verra en það sem að þeir segja. Þeir vilja bara ekki hræða fólk algjörlega svo að hlutabréfin í bönkunum falla ekki meira en þau hafa gert, og fleiri bankar verði skotnir niður.
Þannig að, tími kominn til breytingar.
Lífið gengur annars sinn vanagang hér úti. Erum að leyta að skóla handa Lilu sem að ætlar að fara í lögfræðina og erum komin með nokkra í sigtið.
Ég er á fullu að fylgjast með enska boltanum, en Arsenal og Reading eru að spila í augnablikinu og ég er með Fabregas og Adebayor í Fantasy liðinu mínu þó að ég þoli ekki Arsenal.
En heyrið, má ekki skrifa of mikið í einu. Get ekki brugðið algjörlega út af vananum.
Heyrums síðar og áfram Manchester United.
Einsi Kaldi
Helgin hefur verið afskaplega róleg. Bara slappað af heima og glápt á imbann. Skruppum í SAMS og það var IT. Vona að helgin var góð hjá ykkur. Ég ætla að pósta æfinga planið mitt næsta mánuðinn hér og ef að einhver hefur hugmyndir um nýjar æfingar er ég alltaf til í að hlusta. Kommentið bara á það.
Jæja,
Þá er liðin rúmlega vika síðan að ég skrifaði síðast. Ég er bara ekki alveg gerður fyrir að skrifa reglulega í svona dagbók. Áður en að ég held áfram þá ætla ég að benda ykkur á hann sigurjón.com. Nýjasta færslan hans, alveg frábærar myndir. Sigurjón, ég sé eftir því að hafa ekki fengið þig í brúðkaupið mitt. Kemur bara með þegar að við höldum brúðkaupsafmælið.
Annars er virkilega kominn tími á að koma sér aftur í form. Ég er búinn að vera í smá hléi núna og er ég bara orðinn algjör jellí bellí. Alveg viss um að þeir sem að þekki mig yrðu hissa. Aldrei verið hægt að klípa í mallakútinn á mér, en núna er það sko hægt. Þannig að planið er að lyfta og hlaupa næstu mánuði. Þyngja sig um c.a. 10 kg og kötta svo niður. Vera nú samt í hlaupa og kastformi ef að maður yrði nú einhvern tímann fyrir því að vera kallaður í liðið heima á bikar eða svoleiðis. Ólíklegt á þessu stigi samt.
En ég er nú bara á fullu að reyna að standa mig í fasteignunum. Ekki mikið að frétta þar. Þorrablót hér eftir 2 vikur og bíður maður spenntur eftir að fá íslenskan mat. Það væri bara óskandi að einhver gæti komið með íslenskt öl handa manni líka.
En heyrðu læt þetta duga, hér er Grettir
Sit í vinnunni og er veikur. Dagurinn lengi að líða. Get ekki beðið eftir að komast heim í rúmið. Vona að þið hafið það betra þarna heima fyrir. Læt einn fylgja með frá Gretti.
Jæja, það er kominn tími til að skrifa eitthvað skemmtilegt hér á síðuna. Að vísu er ekkert skemmtilegt að frétta annað en að veðrið er loksins farið að skána, þannig að næstu helgi reynir maður að liggja aðeins við laugina.
Annars hafa síðustu 2 vikur bara verið afskaplega rólegar. Ég hef ekkert farið út eða þvíumlíkt og ekkert planað næstu vikuna heldur. Annars er ég farinn að vilja afskaplega mikið til að fara í eitthvert frí. Ég er búinn að vera að segja við sjálfan (og Lilu) að um leið og aðstæður leyfa að þá munum við skella okkur til Hawaii þar sem að það er ekki dýrt að fara héðan. Við sjáum til hvenær það gerist.
Annars er bara allt með rólegra mótinu hérna, ég læt alla vita ef að eitthvað spennandi gerist. Læt þennan fylgja með, Grettir er alltaf góður.
